СУГС Гимназија “Орце Николов“ ве поканува да бидете дел од настанот ОТВОРЕН ДЕН во сабота, 12.05.2012 год. од 10-14h. Искористете ја единствената можност да се дружите со учениците - волонтери од Кариерниот центар и професорите од нашето училиште.

Линк до настанот

На 20.04.2012 во холот на Орце Николов се одржа модна ревија со облеки изработени од рециклирани материјали со цел да се избере претставник за модната ревија Trash Fashion Skopje. На неа ќе бидат претставени модели направени со рециклирани материјали од отпад презентирани од ученици од средните училишта од цела Македонија, меѓу кои и победникот од Орце Николов Bakushan на учениците од втора година.

По шест години работа, проектот за основно образование од USAID заврши со свечена церемонија, на 15.02.2012год. во х.Александар Палас. Церемонијата беше отворена со американската и македонската химна кои беа испеани од страна на училишниот хор при СУГС Гимназија Орце Николов, под диригентската палка на професорката Сузана Тнокова Кузмановска. Во текот на претставувањето на работата на повеќето учесници во проектите реализирани во изминатите шест години, исто така, се обратија со свој говор Американскиот Амбасадор г-дин Paul D. Wohlers и министерот за образование м-р Панче Кралев . По завршување на обраќањата , церемонијата беше затворена со вториот настап на училишниот хор во чија програма се најдоа композициите „Дафино вино“, „Rolling in the deep“ и „За овој свет“ по кои добија громогласен аплауз и многу позитивни реакции и пофалби од сите присутни на настанот.

Погледнете ги сликите овде

На 01.02.2012год. БАС дојдоа за да ги дадат резултатите на учениците кои учествуваа во тестирањето, а исто така и за да одржат една мала презентација за академијата, за време на која учениците имаа прилика да се дружат со професор од нивната академија кој одговораше на сите прашања поставени од учениците и ги објасни бенефициите што ќе ги добијат тие што ќе се запишат на оваа академија. Оваа година БАС доделуваат и 18 стипендии за ученици од Скопје, Битола и Струмица. За повеќе информации можете да го посетите нивниот сајт www.bas.edu.mk

На 24.02.2012 год. во соработка со Бизнис Академија Смилевски-БАС во нашето училиште се одржа тестирање за професионална ориентација за учениците од 4та година кои сакаат да дознаат каков тип на личност се, кои професии би им одговарале, а сето тоа со цел полесно да се одлучат на кој факултет да го продолжат своето образование. Со ваквиот тип на тестови, на лесен начин се дознава кој тип на интелегенција го има личноста веќе развиено и според тоа се добиваат професиите кои таа личност може без поголем проблем да ги извршува.

На ден 24.11.2011год. , студенти од медицинскиот факултет во Скопје го посетија нашето училиште и одржаа кратка презентација за СПИ (Сексуално преносливи болести). Студентите кои ја одржаа презентацијата беа од 1ва и 2ра година, а останатите беа нивни ментори од повисоките години. 

Како членови на European medical students association of Macedonia – EMSA беа дојдени со цел да не информираат за Сидата како болест, вирусот која ја предизвикува, како се пренесува и сл. На презентацијата присуствуваа ученици од 3та и 4та година, кои многу добро соработуваа со студентите.